Home Sport Serbia ia ndalon pjesëmarrjen pingpongistëve kosovarë në Kampionatin Evropian

Serbia ia ndalon pjesëmarrjen pingpongistëve kosovarë në Kampionatin Evropian

44
0
SHARE

Serbia ia ndalon pjesëmarrjen pingpongistëve kosovarë në Kampionatin Evropian

Serbia ia ka ndaluar pingpongistëve kosovarë pjesëmarrjen në Kampionatin Evropian të Pingpongut U-21, i cili po mbahet në Beograd.
Këtë e bëri të ditur Komiteti Olimpik i Kosovës i cili tha se politika serbe sërish po përzihet në sport.

“Politika serbe vazhdon të përzihet në sport, dhe atë duke diskriminuar sportistët tanë. Rasti i fundit ndodhi me pingpongistët tanë, të cilëve iu mohua pjesëmarrja me të drejta të barabarta me shtetet tjera në Kampionatin Evropian të Pingpongut U-21, që po mbahet në Beograd të Serbisë”, ka shkruar KOK në Facebook, transmeton Klankosova.tv.

Komiteti tha se ka qenë në kontakt të vazhdueshëm me Federatën e Pingpongut të Kosovës gjatë procesit të pjesëmarrjes në Evropian.

“Dënojmë veprimin e radhës të përzierjes së politikës serbe në sport, e që nuk është rasti i parë, kur bëhet fjalë për sportistët tanë”, thuhet tutje në njoftim.

KOK-u i bëri thirrje Federatës Evropiane të Pingpongut që të marrë masat e nevojshme ndaj organizatorit, Serbisë, me besimin se diskriminimet e tilla do të marrin fund një herë e përgjithmonë.